Facebook-un sahibi Makr Zükerberq "Skype" istifadəçilərini ələ almaq istəyir.
Heç kimə sirr deyil ki, WhatsApp artıq uzun müddətdir ki, mobil operatorların qazanclarına bais olub. Yalnız internetə qoşulmaqla pulsuz mesaj göndərməyin mümkün olduğu bir halda heç kim mobil operatorların SMS xidmətindən istifadə etmir. Əvvəllər "hədəf" yalnız mobil operatorlar idisə, bu gün WhatsApp-ın yeni sahibinin daha geniş məqsədləri var. Bu proqramın nəzərdə tutulan mobil telefoniya xidmətləri əfsanəvi "inhisarçı" Skype-ı da sıradan çıxaracaq. Bundan başqa, WhatsApp nəhəng Çin bazarına girmək niyyətindədir.
Bu yaxınlarda WhatsApp-ın səsli danışıq xidməti iOS və Android sistemlərində işə düşəcək. BlackBerry, Windows Phone və Symbian kimi əməliyyat sistemlərində bu xidmət bir qədər sonra tətbiq olunacaq.
Şirkətin direktoru Yan Koum Barselonada keçirilən mobil konqresdə çıxışı zamanı deyib ki, bu il ərzində WhatsApp İP telefoniya funksiyası ilə təmin olunacaq.
Bundan başqa, Koum deyib ki, WhatsApp-ın əsas dəyərləri qorunub saxlanacaq. Proqramda heç vaxt reklam olmayacaq.
Bütün dünyada mobil operatorlar 2013-cü il ərzində SMS xidmətlərində 120 milyard dollar qazanıblar. WhatsApp olmasaydı, bu rəqəm 152,5 milyard olardı. Proqram həmin qazancın daha da çox olmasının qarşısını alsa da, Koum mobil operatorları özlərinə rəqib deyil, partnyor hesab edir.
Koun onu da qeyd edib ki, 2015-ci ilə qədər istifadəçilərin sayını 1 milyarda çatdırmaq niyyətləri var.
