Xalq artisti, Akademik Milli Dram Teatrının cazibədar aktrisası Məleykə Əsədova istirahətdən qayıdıb.
İsti-isti təəssüratlarını paylaşan aktrisa orada çəkdirdiyi fotolarını da təqdim edib. Qızı Gülər və yaxın rəfiqəsi ilə Asiya ölkələrinə səyahət edən xalq artisti Yaponiyanın Osaka və Kokosima şəhərlərində, Tayvan, Honqkonq, Sinqapur, Malayziyada, Vyetnamın iki şəhərində dincəlib: “Heç vaxt Yaponiyada olmamışdım. Nəhayət ki, bu il qızımla bərabər həmin ölkədə olduq. 15 gün gəmi səyahətinə çıxdıq. Daha sonra Sinqapur və Malayziyada olduq. Həmin müddət ərzində əməlli-başlı yorğunluğumu canımdan çıxardım. Ağappaq qız idim, ordan qapqara qayıtdım. Demək olar ki, gəzdiyim ölkələrin əksər tarixi yerlərində olduq, eyni zamanda, şoppinq etdim. Hər kəs bilir ki, mən geyimlərimi xarici ölkələrdən alıram və bu dəfə də özümə bolluca geyimlər aldım. Getdiyim ölkələrdən fiqurlar almağı çox sevirəm, bu dəfə də gəzdiyim ölkələrin rəmzlərini ifadə edən çoxlu fiqurlar alıb gətirdim. Qızımla mən dənizi çox sevirik. Saatlarla dənizə baxırdım, üzürdüm”. Maraqlıdır. Yaponiya kimi bahalı bir ölkədə bincəlmək görəsən xalq artistinə neçəyə başa gəlib? “Mən bu barədə danışmağı sevmirəm. Ümumiyyətlə, yekəxanalıq, təkəbbür təbiətimdə yoxdur. Əsas odur ki, yaxşıca dincəlib yorğunluğumu çıxarmışam”. //publika.az
