Aparıcı Zümrüd Bədəlova "Xəbərin var?" verilişindəki etirafı ilə diqqət çəkib.
AZXEBER.COM xəbər verir ki, təcrübəli aparıcı verilişinin ərsəyə gəlməsində yaşadığı çətinliklərdən danışıb.
Bədəlova Xalq artisti İlqar Muradovun ona bildirdiyi iraddan söz açıb:
"Çox istəyirdim ki, İlqar Muradov efirimə gəlsin. Çox vaxt olur ki, elə özüm sənətkarlara bir-bir zəng edirəm, dəvət edirəm. Biz bəzən şərh bildirsinlər deyə jurnalist dostlarımızı da efirə dəvət edirik. İlqar müəllimi dəvət etmək üçün yığanda mənə elə bir irad bildirdi ki, çox utandım. Dedi o gün dəvət etdiyin jurnalistlər özlərini çox pis apardılar. Bax belə şeylərə görə sənətkarlar efirə çıxmaq istəmirlər. Mən də ona söz verdim ki, təki gəlsin, kimi istəsə onu dəvət edəcəyəm.Ən maraqlısı isə bilirsiniz nədir? O iki gənc müğənninin adını çəkdi və onlarla canlı yayıma gəlmək istədi. Biri Leyla Rəhimova, digəri isə Rəvanə Əmiraslanova idi. Dedi bu iki gənc xanımı çağır, gəlim. İnanın elə gözəl bir efir oldu ki..."
Aysel
