25 ildir işğal altında olunan Xankəndinin son görüntüləri yayılıb.
Uzun illərdir Azərbaycanın doğma torpaqlarını zəbt edən ermənilər şəhərlərimizə milyonlarla dollarlıq zərər vurub.
Xankəndinin son görüntüləri də göstərir ki, şəhər 25 il əvvəlki vəziyyətində qalıb. Müharibənin izlərini hələ də özündə yaşadan Xankəndi sanki sivilizasiyadan uzaq qalıb.
Qeyd edək ki, Xankəndi 1991-ci il dekabrın 25-dən 26-na keçən gecə Ermənistan Respublikası Silahlı Qüvvələri tərəfindən işğal edilib. İnzibati cəhətdən Xankəndi şəhər əhatə dairəsinə Xankəndi şəhəri və Kərkicahan şəhər tipli qəsəbəsi daxildir. Sahəsi 8 km²-dir. Paytaxt Bakıdan 329 km aralıda yerləşir. Azərbaycan Respublikasının Dövlət Statistika Komitəsinin 1 yanvar 2012-ci il tarixinə olan rəsmi məlumatına əsasən Xankəndi şəhərinin 53,3 min nəfər, Kərkicahan qəsəbəsinin isə 2 min nəfər əhalisi vardır. Hazırda erməni silahlı qüvvələrinin işğalındadır.
///BAKU.WS
Qaynarinfo.Az
