Xankəndi şəhərində 36 silah aşkarlanıb.
Bu barədə Daxili İşlər Nazirliyindən (DİN) AZXEBER.COM-a məlumat verilib.
Bildirilib ki, aprelin 15-də Xankəndi şəhəri ərazisindən 27 ədəd müxtəlif markalı avtomat silahı, bir pulemyot, bir pulemyot-tapança, dörd tapança, üç tüfəng, 14 qumbara, bir qumbaraatan, beş alışdırıcı, üç mina başlığı, iki mərmi, 15 pulemyot lenti, 74 patron darağı, 3 130 ədəd müxtəlif çaplı patron, iki rabitə vasitəsi və digər sursat aşkar olunaraq götürülüb.
Həmçinin polis əməkdaşları qanunsuz saxlanılan odlu silahların könüllü təhvil verilməsi çərçivəsində paytaxt və respublikanın ayrı-ayrı rayonlarında bir avtomat silahı, beş tüfəng və 28 ədəd müxtəlif çaplı patron təhvil götürüblər.
Qanunsuz saxlanılan odlu silah-sursatın aşkar olunaraq götürülməsi istiqamətində isə üç ədəd müxtəlif markalı tüfəng aşkar edilərək götürülüb.
