Müğənni Xatirə İslamın toy mərasimi keçirilir. Teleparıcı Nərgiz Cəlilovanın təmtəraqlı təqdimatı ilə zala daxil olan Xatirə və həyat yoldaşı Fəxrəddin qonaqların əksəriyyəti tərəfindən sürəkli alqışlarla qarşılanıb. Olduqca şən əhval-ruhiyyədə görünən cütlüyün nikah mərasimi də keçirilib. Müğənni Rüfət Axundov sevgilərini birləşdirən səbəbkarların şərəfinə lirik mahnı oxuduqdan sonra onlar əsas kürsüdə əyləşiblər.Toyda tanınmış sənətkarlar- xalq artistləri Ağaxan Abdullayev, Arif Babayev, Canəli Əkbərov, Briliant Dadaşova, Flora Kərimova, meyxanaçı Ağamirzə Məmmədov, müğənnilər - Manaf Ağayev, Mətanət Əsədova, Sevda Yahyayeva, Ramal İsrafilov, Elariz Məmmədoğlu, Xuraman Şuşalı, aktyorlar - Rafael və Coşqun, teleaparıcılar - Lalə Əlimuxtarov, Murad Arif və başqaları iştirak edirlər.Jurnalistlərin dəqiqləşdirdiyi daha bir maraqlı məqam Xatirənin geyindiyi gəlinliyin qiyməti ilə bağlıdır. Deyilənə görə, müğənninin qayınatası ən özəl libasa nə az, nə çox düz 15 min manat pul ödəyib.Masalarda bir nəfərlik menyunun qiyməti də bəlli olub. 1 qonaq üçün ayrılan yerin qiyməti 80 manatdır.Publika.Az-ın məlumatına görə, gəlin Xatirəni də ata evindən çıxarkən adətə görə, çırağın başına dolandırmaq istəyiblər. Ancaq maraqlıdır ki, ev adamları və qonaqlar nə qədər çalışsalar da, çırağı yandırmaq mümkün olmayıb. Məcburən şam yandırılıb və gəlinə şamın ətrafında xeyir-dua verilib. Xalq artisti Teymur Mustafayev bəylə-gəlinə xeyir-dua verməklə yanaşı, onların kefini açmaq üçün mahnı ifa edib.
