"Düzünü bilmək istəyirsinizsə, Fəxrəddin daha yaxşısına layiqdir".
AZXEBER.COM BAKU.WS-ə istinadən xəbər verir ki, Əməkdar artist Vasif Məhərrəmlinin duet ortağı Xatirə İslamın həyat yoldaşı Fəxrəddin haqqında dediyi bu sözlərə müğənni video açıqlamalarla cavab verib.
"Təki mənim dostlarım mənə edə biləcəyi hörməti-izzəti evimə, ailəmə, uşağıma, yaxınlarıma etsinlər. Bu, mənim üçün milyonlara dəyər. Var olun, hər birinizi öpürəm. Dostluq belə olar. Çox sağ ol ki, milyonların qarşısında mənim ailəmə belə dəyər verdin, amma ay Vasif, mənə nə olub? Mən də pis qız deyiləm".
Xatırladaq ki, Vasif Məhərrəmli lent.az-a müsahibəsində duet ortağının həyat yoldaşı Fəxrəddin bəylə dost olduğunu, hətta Xatirəni ona yaraşdırmadığını bildirib:
"Xatirə ilə dostuq, aramızda ancaq dostluq münasibətləri var. Mən də ailəliyəm, o da. Xatirənin gözəl həyat yoldaşı var. Fəxrəddinin savadına, dünyagörüşünə heyranam. Bir neçə dil bilir. Buna qibtə edirəm.
Yeri gələndə, Xatirəni ona yaraşdırmıram. Düzünü bilmək istəyirsinizsə, Fəxrəddin daha yaxşısına layiqdir. Xatirə inciməsin. Ona hər zaman o barədə bəxtəvərlik verirəm. Deyirəm, get gecə-gündüz dua et ki, qarşına belə insan çıxıb: saf, təmiz, ağıllı, savadlı".
