Tanınmış müğənni Xatun Əliyeva AZXEBER.COM-a geniş müsahibə verib.
O müğənni olduğna görə peşman olmadığını deyib:
"Ruhuma ən yaxın müğənnilikdir.
Əvvəllər aparıcı, parodist və aktrisa kimi efirlərə çıxırdım. Amma aktrisa kimi hələ istədiyim
obrazı oynamamışam. İndi hiss edirəm
ki, məşhur olmuşam. Mən səhnədə rəqs
edən müğənni olmuşam. İndikilərə baxanda deyirəm "Aman allah mən də əvvəl belə
olmuşam. İnsan uğur əldə etdikdə həyatında
bəzi şeylər itir.
Xatun deyib ki, ona ən böyük dəstəyi qardaşı Balaş verib:
"İnsan gənc yaşlarında
qabağa getmək üçün hər yola əl atır. Bu mənim qarşımda olub, bəzi müğənnilərdə
görmüşəm. Yenə də qaliblər müzakirə
olunmur. Bu sənətdə ilk öncə maddi dəstək lazımdır. Bizdə elə produserlər yoxdu
ki, müğənniyə pul ayırsın. Bir-iki dəfə olub, nankorluqla qarşılaşıblar,
produserlər də peşman olublar. Qorxurlar
ki, müğənni məşhur olar sabah deyər ki, özüm məşhur oldum. Bu sahədə maddi dəstəyi qardaşım Balaşdan görmüşəm. Ona görə heç kimin yanında gözükölgəli, başıaşağı deyiləm.
İnsan çalışmalıdır, ki öz gözündən düşüb, özünü itirməsin. Kiməsə elə pislik edib,
səhərə kimi vicdanımın səsindən yata bilməyib. Mən hər şeyi hissə-hissə əldə etdim.
Birdən-birə parlayan məşhurlar gecələr yuxularını, insanlığını itiriblər. Düşüşdən
qorxurlar".
Xatun son zamanlar qalmaqallardan qaçdığını bildirib: "Haqsızlıq önündə susa
bilmirdim, çalışırdım ki, haqlı olduğumu insanlara sübut edim. Sonra görürdüm
ki, həmin adam onsuz da öz işindədir. Amma mənim əhval-ruhiyyəm pozulurdu. Ona görə də qalmaqaldan uzağam”.
Xatun övladı haqda da danışıb: İndi övlad böyütmək çətindir. Əslində, övladımla tək yaşa bilərdik, amma istədim ki, o valideynlərimin yanında böyüsün. İndi ki, dövrdə görürsən ki, ana övladını tək böyüdür. Uşaq tək qaldıqda ağlına min cür düşüncələr gəlir. Övladım üçün 3 şey arzu etmişəm. Bunlar iman, ağıl və bəxtdir. Deyir analar edir, balalar çəkir. Ona görə istəyirəm ki, etdiyim yaxşılıqlar balamın qarşısına çıxsın”.
