Doqquz yaşlı Alanna Şevenell onun əsas altı orqanını zədələyən xərçəngin nadir formasından əziyyət çəkir.
Trend-in məlumatına görə. Bu barədə "The Daily Mail" qəzeti yazır. Məlum olub ki, şiş çox sürətlə böyüyərək ürəyə yaxınlaşır və qida borusuna təzyiqi artırır. Buna görə də qız qidalana bilmir.
Nə kimya terapiyası, nə də standart cərrahiyyə əməliyyatı şişdən xilas olmağa kömək etməyib. Köməyə orqanların transplantasiyası gəlib. ABŞ-ın Boston Uşaq Hospitalının əməkdaşları xəstəliyin qarşısını almaq üçün uşağa dərhal altı orqan köçürməli olublar. Hazırda qız özünü normal hiss edir. O, hazırda yemək yeyir və reabilitasiyanı evdə keçirir.
Alanna öz orqanlarını miofibroblastoma nəticəsində itirib. Uşağa qida borusu, mədə, dalaq, mədəaltı vəzi və nazik bağırsaq köçürülüb. Həkimlərin sözlərinə görə, bu, qida borusunun transplantasiyası üzrə dünyada və ABŞ-ın şimal-şərgində yerləşən Yeni İngiltərə regionunda bir adama bu qədər sayda orqanın köçürüldüyü ilk əməliyyatdır. Əməliyyat 14,5 saat davam edib. Bu vaxtın üçdə ikisini həkimlər orqanlarda qalan şişin "təmizlənməsi"nə sərf ediblər.
Tibb işçiləri uşağın xərçəngdən həmişəlik xilas olduğuna əmin deyillər. Ola bilsin ki, orqanizmdə hansısa xərçəng hüceyrələri qalıb. Həmçinin, qızın ömrünün sonuna dərman qəbul etməlidir.
