Aparılan astroloji tədqiqatlar və tibbi statistika nəticələri göstərir ki, Xərçəng və Əqrəb bürcünün nümayəndələri digər bürclərlə müqayisədə onkoloji xəstəliklərə daha çox meylli olurlar.
AZXEBER.COM BAKU.WS-ə istinadən xəbər verir ki, astroloqlar bu tendensiyanı Xərçəng və Əqrəb bürclərinin emosional xarakterləri ilə əlaqələndirirlər.
Bu bürclər altında doğulan şəxslər dərin duyğulara qapılır, emosiyalarını basdırır və stresi öz içlərində yığırlar. Stress isə məlumdur ki, xərçəng xəstəliklərinin yaranmasında risk amillərindən biridir.
Xərçənglər - həssas və qayğıkeş olmaları ilə tanınır. Onlar tez-tez problemləri içlərində yaşamağa meylli olur və bu, daim daxili gərginlik və narahatlıq yaradır ki, nəticədə immunitet zəifləyə bilər.
Əqrəblər - ehtiraslı və güclü emosiyalara malikdirlər. Onlar neqativ duyğuları basdırmağa və hisslərini gizlətməyə meyllidirlər ki, bu da sağlamlıqlarına mənfi təsir göstərə bilər.
Həkimlər vurğulayır ki, bürc əlaməti ilə xəstəliklərə meyllilik arasında heç bir elmi sübut yoxdur. Lakin qeyd olunur ki, Xərçəng və Əqrəb bürcləri ən emosional bürclərdən sayılır və onların psixi vəziyyəti həqiqətən sağlamlıqlarına təsir edə bilər.
Mütəxəssislər bütün bürclərin nümayəndələrinə emosional sağlamlıqlarına diqqət yetirməyi, xroniki stresdən uzaq durmağı, düzgün qidalanmağı və müntəzəm olaraq tibbi müayinələrdən keçməyi tövsiyə edirlər.
