Mədəaltı vəzi xərçəngi ilə mübarizə aparan rəqqasə Tanyeli venadaxili qidalanmaya başlayıb.
AZXEBER.COM Türkiyə mətbuatına istinadən xəbər verir ki, oriental rəqsi ilə bir dövrə damğasını vuran 51 yaşlı Tanyeli ötən may ayından mədəaltı vəzi xərçəngi ilə mübarizə aparır. Müalicəsi üçün bir müddət əvvəl Kubaya gedən Tanyeli sürətlə arıqladığı üçün damardaxili qidalanma almağa başlayıb.
Arıqlayaraq 52 kiloqrama düşən rəqqasə səhhəti ilə bağlı sosial şəbəkə hesabında post paylaşaraq məlumat verib: "Mesajlarınızı oxuyuram. Cavab verə bilmədiyim üçün üzr istəyirəm. Özümdə güc tapıb video çəkəcəyəm. Hazırda xəstəxanadayam və 52 kiloqram olduğum üçün damardaxili qidalanma alıram. Dualarınızı əsirgəməyib. Allahın izni ilə hər şey yaxşı olacaq".
Qeyd edək ki, Tanyeli bir müddət əvvəl müalicə üçün Kubaya getmişdi. Rəqqasə orada əqrəb zəhəri dərmanı ilə müalicə olunduğunu və yaxınlarına lazımi məlumatları verəcəyini bildirmişdi.
Günel
