Şəkidə baş verən hadisə nəticəsində xəsarət alanlardan 4 nəfər helikopterlə Bakıya göndərilib.
Bu barədə Səhiyyə Nazirliyinin mətbuat xidmətindən Unikal.org-a verilən məlumatda bildirilib.
Bunlar İlkin Məmmədov(ağır dərəcəli kəllə beyin travması, sağ ayaqda sınıq), Sara Hasan sağ bud sümüyünün qapalı travması çanaqda), Farik Həsən (sol incik sümüyünün sınığı), Al Hasan Samirədir(sağ baldır sümüyünün yerdəyişən sınığı).
Xəstələr Klinik Tibbi Mərkəzə yerləşdiriliblər.
Xatirə Ağamalıyevanın isə (sağ baldır sümüyünün çox qəlpəli sınığı, travmatik şok) Təcili Tibbi Yardım avtomobili ilə travmatologiya institutuna aparılması müzakirə olunur.
Digər xəsarət alan Elxan Məmmədovun (onurğanın qapalı travması) Şəki Mərkəzi Rayon Xəstəxanasında müalicəsi davam edir.
Vəziyyəti orta-ağır qiymətləndirilir.
Siyahıda olan digər şəxslərə tibbi yardım göstərilərək ambulator müalicəyə buraxılıblar.
