Xəzər dənizində təlim zamanı itkin düşən iki Qazaxıstan hərbçisinin meyiti aşkarlanıb.
AZXEBER.COM "24KZ”ya istinadən xəbər verir ki, Qazaxıstan Müdafiə Nazirliyinin məlumatına görə, sentyabrın 25-də saat 09:15 radələrində aparılan fasiləsiz axtarış-xilasetmə işləri nəticəsində itkin düşən hərbçilər — serjant Mansur Qumarov və matros Miras Turdıbekulının meyitləri tapılıb.
Qeyd edək ki, hadisə təlim-döyüş tapşırığının yerinə yetirilməsi zamanı hava şəraitinin qəfil və kəskin pisləşməsi nəticəsində baş verib. Təlim zamanı 17 hərbçi faciə ilə üzləşib. Onlardan 3-ü xilas edilib, 14 hərbçi isə həlak olub.
Qazaxıstan Müdafiə Nazirliyi və Silahlı Qüvvələrinin rəhbərliyi həlak olan hərbçilərin ailələrinə və yaxınlarına başsağlığı verib.
Bildirilib ki, həlak olan hərbçilərin ailələrinə zəruri maddi və psixoloji yardım göstəriləcək.
