Bu gün Azərbaycan kubokunun 1/4 final mərhələsinin cavab oyunları çərçivəsində günün son matçı keçirilib.
AZXEBER.COM-un məlumatına görə, günün mərkəzi qarşılaşması Lənkəranda baş tutub. Burada yerli "Xəzər Lənkəran" klubu paytaxtın "İnter" komandasını qəbul edib.
Səfərdə rəqibinə 2:3 hesabı ilə uduzan "Xəzər Lənkəran" 29-cu dəqiqədə qapısında qol görüb. "İnter"in heyətində Baçana Sxadadze fərqlənib. Bundan sonra yarımfinal mərhələsinə yülsəlmək üçün 2 top vurmağa çalışan lənkəranlılar rəqib qapısına yalnız 1 dəfə yol tapa biliblər - Randal Brenes, 76 (1:1).
Beləliklə, "Xəzər Lənkəran" klubu Azərbaycan kuboku ilə vidalaşıb.
Qeyd edək ki, Azərbaycan kubokunun yarımfinal mərhələsinə "İnter"lə yanaşı, "Neftçi", "Bakı" və "Qarabağ" klubları vəsiqə qazanıblar.
