“Xəzər Lənkəran” ev oyunlarını Lənkəran şəhər stadionunda keçirməyə bilər. Bu haqda apasport.az saytına stadionun direktoru Höccət Hacıyev məlumat verib. O bildirib ki, son leysanlar nəticəsində arenanın drenaj sistemi aradan çıxıb.
Bunun nəticəsində ot örtüyünün altında qalan su qatını aradan qaldırmaq mümkünsüz olub. Ona görə də “Xəzər Lənkəran”ın stadionu əsaslı şəkildə təmir olunmalıdır. Hazırda ev oyunlarının bir aylığa başqa stadionda keçirilməsi məsələsi müzakirə olunur.
