Rəsmi Bakı ABŞ-ın ATƏT-dəki daimi nümayəndəsinin (Maykl Karpenter - red) Laçın yolu ilə bağlı yalanlara inanmasından təəssüflənir.
AZXEBER.COM xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə tviter hesabında yazıb.
"Çox təəssüf ki, ABŞ-ın ATƏT-dəki daimi nümayəndəsi "blokada” və "humanitar vəziyyət” haqqında yalan xəbərlərə aldanıb. Əgər Laçın yolu bağlı olsaydı, oradan heç bir avtomobil keçməzdi. Nə üçün yoldan hər cür qeyri-qanuni fəaliyyət üçün istifadə etmək olar, amma etiraz etmək düzgün deyil?", - Nazirlik rəsmisi əlavə edib.
Qeyd edək ki, yanvarın 6-da gün ərzində Xankəndi-Laçın yolunda hər iki istiqamətə Rusiya sülhməramlılarına məxsus ümumilikdə 26 avtomobil maneəsiz hərəkət edib ki, bu da həmin ərazinin bağlı olmadığını göstərir. Bu, bir daha onu sübut edir ki, yol aksiyanın keçirilməsinə baxmayaraq, humanitar məqsədlər üçün açıqdır.
It is unfortunate that @USAmbOSCE is deceived by false narrative on "blockade” & "humanitarian situation.” If #Lachin road w/be under block no vehicle would pass through it. Why it is OK to use the road for all sorts of illegal activities, but protesting agnst is not appropriate? https://t.co/H4IGdPmzEJ
— Aykhan Hajizada (@Aykhanh) January 6, 2023
