XİN: BMT BA-nın pandemiyaya həsr olunmuş xüsusi sessiyası davam edir

SİYASƏT
19:16 04.08.2020
793

Azərbaycan Xarici İşlər Nazirliyi Mətbuat xidməti idarəsinin rəisi Leyla Abdullayeva KİV-in sualını cavablandırıb. 

AZXEBER.COM həmin sual-cavabı təqdim edir.

- Azərbaycan Respublikasının Prezidenti cənab İlham Əliyevin təşəbbüsü ilə çağırılan BMT Baş Assambleyasının Koronavirus (COVID-19) pandemiyasına həsr olunmuş xüsusi sessiyasının işi ilə əlaqədar nə deyə bilərsiniz?

- Qoşulmama Hərəkatının sədri qismində Azərbaycan Respublikası Prezidentinin təşəbbüsü ilə 10 iyul 2020-ci il tarixindən etibarən çağırılmış BMT Baş Assambleyasının COVID-19 pandemiyasına həsr olunmuş xüsusi sessiyası öz işini davam etdirir.

10 iyul tarixində rəsmi olaraq açıq elan edilmiş xüsusi sessiya BMT Baş Assambleyasının digər bütün sessiyaları kimi 2 seqmentdən ibarət formatda keçirilir. Prosedur xarakterli qərarların qəbul edildiyi seqment artıq 21 iyul tarixində başa çatmışdır. Bu seqment çərçivəsində Baş Assambleyanın aşağıdakı 6 qərarı sükut proseduru vasitəsilə qəbul edilmiş və BMT Baş Assambleyasının rəsmi sənədləri olaraq dərc edilmişdir:

-         BMT Baş Assambleyasının 74-cü sessiyasının sədri olan Ticani Məhəmməd-Bandenin xüsusi sessiyanın sədri seçilməsi barədə qərar;

-         Xüsusi sessiyanın sədr müavinlərinin seçilməsi barədə qərar;

-         Xüsusi sessiyanın Əsas Komitələrinin sədrlərinin seçilməsi barədə qərar;

-         Xüsusi sessiyanın gündəliyinin qəbul edilməsi barədə qərar;

-         Xüsusi sessiyasının Səlahiyyət Komitəsinin tərkibinin təsdiq edilməsinə dair qərar;

-         BMT Nizamnaməsinin 19-cu maddəsinə uyğun olaraq, BMT-yə üzvlük haqlarını ödəməyən və beləliklə də səsvermə hüququndan məhrum edilmiş dövlətlərin siyahısının nəzərə alınmasına dair qərar.

Qeyd edək ki, pandemiyanın davam etməsi ilə əlaqədar BMT Baş Assambleyası çərçivəsində qərarlar səsvermə ilə yox, sükut proseduru vasitəsilə qəbul edilir. Müvafiq prosedura uyğun olaraq qərar layihələri 72 saat müddətinə bütün BMT üzv dövlətləri arasında yayılır və bu müddət sonuna qədər etiraz edən dövlət olmadığı təqdirdə qəbul edilir.

Koronavirus pandemiyası səbəbindən BMT-nin mənzil qərargahında tətbiq olunan məhdudiyyətlərlə əlaqədar, hazırda BMT Baş Assambleyasının rəsmi iclaslarının paytaxtlardan gələn nümayəndə heyətlərinin fiziki iştirakı ilə keçirilməsi mümkün deyil. Bununla əlaqədar, Baş Assambleyanın sentyabr ayında keçiriləcək müntəzəm sessiyası tarixdə ilk dəfə hibrid formada, yəni dövlətlərin seçimindən asılı olaraq ya nümayəndə heyətləri rəhbərlərinin əvvəlcədən yazılmış video-müraciətləri vasitəsilə, ya da həmin dövlətlərin BMT yanında Daimi Nümayəndəliklərinin Assambleya zalında fiziki iştirakı ilə baş tutacaq.

Hazırkı pandemiya vəziyyəti ilə əlaqədar 10 iyul tarixindən etibarən başlayan Baş Assambleyanın xüsusi sessiyasının müxtəlif seqmentli müzakirələrinin də əvvəlki xüsusi sessiyalardan fərqli formatda keçirilməsi nəzərdə tutulur. Bununla əlaqədar, hazırda BMT üzv dövlətləri sessiyanın dövlət və hökumət başçıları səviyyəsində, video-konfrans formatında keçirilməsi ilə bağlı modallıqları müzakirə edirlər. Müvafiq razılıq əldə edildikdən sonra ümumi müzakirələrin konkret tarixləri müəyyən ediləcəkdir.

OXŞAR XƏBƏRLƏR

ƏN SON XƏBƏRLƏR

13:44 28.09.2020

Dövlət Xidməti: Vətəndaşlar qismən səfərbərlik tədbirində böyük ruh yüksəkliyi ilə iştirak edəcəklər

13:40 28.09.2020

Qismən səfərbərliyə kimlərin cəlb olunacağı AÇIQLANDI

13:38 28.09.2020

Türkiyə Müdafiə Nazirliyi profilinə bu görüntünü yerləşdirdi - FOTO

13:38 28.09.2020

Ermənilərin açdığı atəş nəticəsində 2 məktəbli həlak olub

13:18 28.09.2020

Müdafiə Nazirliyi: Düşmənin daha iki tankı məhv edilib - VİDEO

13:16 28.09.2020

Qismən səfərbərlik - Kimlər və nə qədər müddətə orduya çağırıla bilər?

13:10 28.09.2020

Rusiyalı deputat: “Ermənistan danışıqların pozulmasına səbəb oldu”

13:10 28.09.2020

Düşməni qorxuya salan general-mayor Mais Bərxudarov kimdir?

13:05 28.09.2020

Ermənilər Tərtərdə məhkəmə binasını və təcili yardım maşınını atəşə tutub, ölən və yaralananlar var

13:01 28.09.2020

ABŞ səfiri cəbhədəki vəziyyəti şərh edib

12:58 28.09.2020

"Ermənistan KTMT-nin köməyinə güvənə bilməz"

12:52 28.09.2020

Baş Prokurorluq həlak olan vətəndaşımızla bağlı MƏLUMAT YAYDI

12:42 28.09.2020

Hikmət Hacıyevdən Bərxudarov haqqında yayılan xəbərlərlə bağlı AÇIQLAMA

12:39 28.09.2020

Azərbaycanın Rus İcması bəyanat verdi

12:38 28.09.2020

Ermənistan Müdafiə Nazirliyi: "Təxminən 200 yaralımız var"

12:35 28.09.2020

Hikmət Hacıyev: “Azərbaycan Ordusu rəşadətli döyüşlərini davam etdirir”

X Mostbet