"Bəlkə də bu yaşına qədər həyatla uyum yarada bilmək üçün həmişə mübarizə aparmısan. Bəlkə də bu qədər mübarizə etməyinə rəğmən sinənin üstündə bir ağırlıq hiss edirsən. O hüzursuzluq heç keçmir. Sanki bəzi şeyləri etməli olduğun halda onları etməmişsənmiş kimi hiss etmisən. Amma içində hüzuru bərpa etməyin 4 yolunu sənə təqdim edəcəm”.
AZXEBER.COM xəbər verir ki, bu sözləri Türkiyəli psixoloq Beyhan Budak öz "YouTube” səhifəsində paylaşdığı videoda deyib.
Bununla belə o, öz izləyicilərinə xoşbəxt olmaq üçün mübarizə aparmaq yerinə qəbullanmalı olduğumuz 4 məsləhət verib:
" Bəzən qarşımızdaki divarı qırmağa çalışarıq. Amma sənin əlin sümükdən və ətdən ibarətdir. O isə daşdan bir divardır. Sən o daş divarı qıra bilməzsən. Qəbullanmaq isə gücünün yetə biləcəyi başqa bir sahəyə üz tutmaqdır. Çünki qəbullanan zaman o divarın daşdan olduğunu anlayırsan.
1. İlk olaraq qəbullanmalı olduğun şey özünsən. Həyatda edə biləcəyin və edə bilməyəcəyin şeylər var. Bu vaxta qədər bizə " İstədiyin hərşeyə nail ola bilərsən” deyilib. Bəlkə də bu bir çoxlarında qıcıq yaradacaq amma istədiyimiz hərşeyi bacarmağa qadir deyilik. İstədiyin hərşeyə cəhd göstərməkdə azadsan. Ancaq bunun uğursuzluqla da nəticələn biləcəyini bilməlisən. Xəyallarına nail olmaq üçün bir çox şey edə bilərsən. Amma həyatını buna sərf etməməlisən.
2. Digər qəbullanmalı odluğun şey ətrafındaki insanlardır. Bizi pis edən və ya sevindirən hadisələrin əksəriyyəti insanlarla bağlı olur. Ətrafındaki insanları daimi olaraq dəyişdirməyə çalışanda ciddi mənada problemlərlə qarşılaşa bilərsən. Çünki, insanlar asanlıqla dəyişməzlər. Məsələn, həyatında bir insan var. Sən isə onu dəyişdirməyə çalışırsan. Əmin ol ki, o, bunu sidq ürəkdən istəmədiyi müddət heç vaxt dəyişməyəcək. Və arada üzülən tərəf sən olacaqsan. Ona görə də ya olduqları kimi qəbul etməli ya da, mədəni formada həyatından uzaqlaşdırmağa cəhd göstərməlisən.
3. Növbəti qəbullanmalı olduğumuz şey isə yaşadığımız hadisələrdir. Başımıza gələn şeylərdən sonra ilk başlarda normal olaraq sorğulayırıq. "Bu niyə mənim başıma gəldi” deyirik. İnsan olaraq bu cür hadisələri sorğulamağımız çox normaldır. Bəzi insanlar isə daimi olaraq "mən buna layiq deyildim, mən niyə belə bir şey yaşadım, mən bunu yaşamamalı idim” deyə deyə həm özlərinin , həm də ətraflarında olan insanların həyat eşqini sovururlar. Sənin isə bu vəziyyətdə iki seçimin var: ya bunu uzun illər boyu dilə gətirəcəksən, ya da " kaş yaşamasaydım, amma təcrübə oldu” deyib yoluna davam etməlisən.
4. Son olaraq qəbullanmalı olduğumuz şey duyğularımızdır. İnsanlara daimi olaraq həmişə xoşbəxt olmağı , həmişə uğurlu olunmalarını aşılayırlar. Amma duyğular dəyişkəndir. Ağın qara tərəfi də var. İnsan hər duyğunu yaşaya bilər. Hər duyğu bizə əslində mesaj ötürür. Məsələn necə ki, çöldə soyuq olanda üşüməyin bizə daha qalın geyinməli olduğumuzu xatırlatdığı kimi. Amma sən hər dəfə xoşbəxt olmağa çalışanda və qəzəbini, məyusluğunu gizlətdikcə sonra özünü daha pis hiss edəcəksən. Darıxmaq, əsəbləşmək, məyus olmaq və s. tamamilə insani duyğulardır. O duyğularında sənin bir parçan olduğunu unutma.
Oksana
