Noyabrın 26-sı Xüsusi Təyinatlıların Qaziləri Şəhid ailələri və Veteranları ictimai birliyinin sədri Bəhruz Məmmədzadə və təşkilatın üzvləri Gəncə səfərində olublar.
Gəncədə yaşayan qazilər ilə görüşüb, ilk öncə Heydər Əliyevin abidəsini ziyarət edib, daha sonra Şəhidlər xiyabanını ziyarət ediblər vətən üçün canlarından keçən qəhramən şəhidlərimizin ruhlarına dualar oxuyublar. Sonra isə Gəncə-Daşkəsən Regional Mədəniyyət İdarəsi , Gəncə şəhər mədəniyyət mərkəzi sənətkarlıq klubunda tədbir keçirilib.
Tədbir Azərbaycan Respublikasının dövlət himninin səsləndirilməsi ilə başlayıb. Daha sonra Azərbaycan Respublikasının Ümumilli Lideri Heydər Əliyevin və torpaqların azadlığı uğrunda canlarından keçən Şəhidlərimizi ruhu bir dəqiqəlik sükutla yad edilib.
Tədbirdə Şəhid ailələri, Mədəniyyət Mərkəzinin rəhbəri və qazilər iştirak edib. İctimai birliyin Gəncə filialının açılışı, sədr və sədr müavininin təqdimatı keçirilib, vəsiqələr təqdim edilib.
Həmçinin Şəhid ailələrinə və yeni üzvlərə vəsiqələri təqdim edilib və Fəxri fərmanla təltif ediliblər. Təşkilatın fəaliyyət istiqaməti və Vətənpərvərlik mövzusunda söhbətlər edilib. Daha sonra tədbir çay süfrəsində davam edib.
