27 Sentyabr – Vətən Müharibəsi şəhidlərinin Anım Günü münasibətilə Xüsusi Təyinatlıların Qaziləri, Şəhid Ailələri və Veteranları İctimai Birliyinin nümayəndələri Şəhidlər Xiyabanını ziyarət ediblər.
AZXEBER.COM xəbər verir ki, tədbir zamanı şəhidlərin əziz xatirəsi dərin ehtiramla yad edilib, məzarları üzərinə gül dəstələri düzülüb, ruhlarına dualar oxunub. Ziyarət zamanı iştirakçılar həmçinin şəhidlərin adlarının əbədiləşdirilməsi məqsədilə yeni inşa edilmiş memorial kompleksi də ziyarət edərək önünə əklil qoyublar.
Xiyabanda ziyarətə gələn şəhid ailələri ilə görüşülüb, Vətən uğrunda can verən övladlarının qəhrəmanlıqları ehtiramla anılıb.
Qeyd: Məlumat üçün bildiririk ki, 27 Sentyabr Anım Günü ilə əlaqədar olaraq, Xüsusi Təyinatlıların Qaziləri, Şəhid Ailələri və Veteranları İctimai Birliyinin müxtəlif rayon filialları da öz bölgələrində anım tədbirləri keçirib, şəhidlər xiyabanlarını ziyarət edərək şəhidlərin əziz xatirəsini yad ediblər.
