Hazırkı deputat, YAP-ın yeni siyahısında da adı olan namizəd Ağalar Vəliyev narazıdır.
AZXEBER.COM xəbər verir ki. bu haqda tia.az-a deputata yaxın mənbələr məlumat verib. Bildirilir ki, Ağalar Vəliyev dairəsinin dəyişməsindən narazı qalıb. Əvvəl 11 Qaradağ dairəsindən deputat olan A.Vəliyevin namizədliyi YAP-ın növbəti siyahısında 97 saylı Goranboy-Ağdam-Tərtər seçki dairəsindən dəsətklənib. O, özünə yaxın olan adamların əhatəsində bildirib ki, uzaq və çətin dairənin ona verilməsi könlündən olmayıb. Dairənin üstəlik qaçqın rayonlarını əhatə etməsi namizədi heç razı salmayıb. Seçicilərin uzaq-uzaq ərazilərdə yaşaması əlavə maddi və fiziki xərc tələb edir deyə namizəd şikayətlənib.
Bildirilir ki, yanan binada təmir işlərinin yekunlaşdırılıb təhvil verilməməsi də bununla bağlıdır. Bir növ binanı təmir edən "Azəraqrartikinti"nin rəhbəri A.Vəliyev bununla etirazını bildirmiş olur. O da qeyd edilir ki, A.Vəliyevə özündən əvvəlki deputat - Gülçöhrə Məmmədovanı misal çəkiblər. Onun həmin dairədə yaxşı deputatlıq etdiyi deyilib və bundan da o tələb edilib. Bir qadınla müqayisə edilməsi isə Ağalar Vəliyevə lap pis təsir edib.
Xatırladaq ki, bu ilin yayında Binəqədidə yanan 16 mərtəbəli binanın təmiri məhz A.Vəliyevin rəhbəri olduğu “Azəraqrartikinti” şirkətinə həvalə edilib. Deputat binanın sentyabrın ilk yarısında təmir edilib təhvil veriləcəyini bildirsə də, vədinə əməl etməyib. Hazırda binadakı mənzillərin bir hissəsində təmir yekunlaşsa da, digərlərində iş yarımçıqdır. Məlumata görə, deputata binanın təmiri üçün çatmalı olan 5 milyon manat namizədliyinin dəsətəklənməsi müqabilində verilməyib. O isə bu səbəbdən dairəsinin dəyişdirilərək uzaq rayona göndərilməsinə etiraz edir.
Qarşı tərəfin də mövqeyini verməyə hazırıq.
