Yaponiyada son bir həftə ərzində şiddətlənən isti hava on insanın ölümünə səbəb olub.

AZXEBER.COM oxu.az-a istinadən bildirir ki, isti hava nəticəsində yeddi min insan xəstəxanalara yerləşdirilib.

Ölkənin bütün ərazisində temperatur 36 dərəcə təşkil edib.

Avqustun 11-də bu ilin temperatur rekordu havanın 40 dərəcəyə qədər qalxdığı Qumma prefekturasında qeydə alınıb.

Sinoptiklər bədbin proqnoz verirlər: yaxın günlərdə meteoroloji vəziyyət dəyişməyəcək.

Səlahiyyətlilər yerli sakinlərdən vacib olmadığı halda evdən çıxmamağı, çoxlu maye qəbul etməyi və digər insanlarla aralarında olan məsafə iki metrdən çox olduqda küçədə qoruyucu maskadan istifadə etməməyi istəyiblər.

Günvurma zamanı təcili xəstəxanaya getməyin lazım olduğu vurğulanıb.