Xalq artisti Yaşar Nuri sabah yenidən Türkiyəyə aparılacaq. O, İstanbuldakı Amerikan xəstəxanasında müayinə olunacaq.

Aktyorun həyat yoldaşı Rəhimə Nuriyevanın verdiyi məlumata görə, avqustun 1-dən Bakıda olan xalq artisti müayinə olunmaq üçün yenidən xəstəxanaya yerləşdirilməlidir.

Onun sözlərinə görə, Yaşar Nuri mükafat alandan bəri Bakıdadırlar: “Heç həkimə müraciət etməmişik. Türkiyədən gələn qadınla birlikdə qayğısına qalırıq. Dərmalarını qəbul edir, bütün prosedurları davam etdirilir”.

R. Nuriyeva deyir ki, amma xalq artisti ayda 1dəfə müayinə olunmalıdır: “Ayın 22-də Türkiyəyə uçuruq. Müayinə üçün avqustun 23-də Türkiyədə olmalıyıq. Bu müayinə onun yaxşı olması üçün vacibdir. Ola bilsin ki, həkimin rəyindən aslı olaraq 5gün – 1 həftə orada qalsın. Bu müayinələrin onun səhhətinə böyük xeyiri var”.

Qeyd edək ki, Yaşar Nuri ötən ilin noyabrından müalicə kursu keçir.