“Yaxşı Cazibə”nin “Simgə”si: “Heç də özünə baxan tiplərdən deyiləm”

Türkiyənin ATV telekanalında yayımlanan “Yaxşı Cazibə” serialının “Simgə” obrazı Handə Katiboğlu özəl sirlərindən danışıb.  Serialın Azərbaycanda sevilən obrazı real həyat tərzini eksklüziv olaraq Lent.az-a açıqlayıb: “Həyatda Simgə ilə heç əlaqəm yoxdur. Gündəlikdə makiyajsız gəzirəm. Hündürdaban ayaqqabı geyinmirəm, geyimlərimdə bər-bəzəyə üstünlük vermirəm. Ancaq xüsusi mərasimlərə gedəndə bəzənirəm. Heç də özünə baxan tiplərdən deyiləm. Təmizkaram”. Serialda baxımlı görünüşü ilə diqqəti çəkən, makiyajdan bol-bol istifadə edən aktrisa deyib ki, kamera qarşısına makiyajsız çıxmaqdan çəkinmir: “Makiyajsız fotolarım var. Simgəyə heç oxşamıram. Marka geyimlərdən istifadə etmirəm. Ailəmə düşkün insanam.  Məşhur aktrisa fotoobyektivə idman geyimində poza verib: “Aktyorluq özündən başqa birini oynamaq deməkdir. İlk əvvəllər bu rolu mənim oynayacağıma inanmayıblar. Bəzənib-düzənəndən, makiyaj edəndən sonra bunu bəlkə bacara bildim, dedilər. Adətən məşqlərə idman üslubunda gəlirəm. Bu qədər gözəlliyimə düşkün deyiləm, özümü min əcaib hala sala bilərəm. Hətta məni belə də çəkin: makiyajım yoxdur, idman geyimindəyəm”.