"Yelo Bank" ASC-nin dəstəyi, "Mastercard Worldwide” beynəlxalq ödəniş sisteminin təşkilatçılığı ilə ölkəmizdə 2-ci dəfə "Customer Tech Conference" tədbiri keçirildi.
Tədbir Azərbaycanın aparıcı banklarının 70-dən çox nümayəndəsini bir araya gətirərək, maliyyə sahəsindəki ən son tendensiyaları, texnoloji irəliləyişləri və bank gələcəyini formalaşdıran innovasiyaları müzakirə etdi. "Yelo Bank"ın baş ofisində keçirilən konfrans iştirakçılar üçün sürətlə inkişaf edən maliyyə ekosisteminin problemlərinin həllini araşdırmaq və fikir mübadiləsi aparmaq üçün unikal platforma rolunu oynayır. Budəfəki konfransın gündəmdə olan mövzuları 2025-ci ilin II rübü üçün gözlənilən yeniliklər, kibertəhlükəsizliyin artırılmasında süni intellektin rolu, "Mastercard"ın kriptovalyutalar dünyasındakı irəliləyişləri haqqında idi. Xatırladaq ki, ötən ilin may ayında ölkəmizdə ilk dəfə keçirilən "Customer Tech Conference" tədbirinə də "Yelo Bank" ev sahibliyi etmişdi.
"Yelo Bank" olaraq, biz maliyyə sahəsində innovasiyaların dəstəklənməsinə və beynəlxalq təcrübələrin ölkəmizə gətirilməsinə önəm veririk. Bu kimi tədbirlər yeni texnologiyaları tanımaq, trendləri izləmək və sektorun iştirakçıları arasında faydalı əlaqələr qurmaq üçün əvəzsiz imkandır. Gələcəkdə də belə təşəbbüslərə dəstək olmaqdan məmnunluq duyacağıq", - deyə Bankın açıqlamasında qeyd olunub.
Bank xidmətləri, eləcə də
haqqında əlavə suallarınız var? O zaman 981 nömrəsinə zəng edin və ya
,
,
və
hesablarımızı ziyarət edin.
"Yelo Bank" – Parlaq bankçılıq!
