Yəməndə yanvar-fevral ayında münaqişə nəticəsində 47 uşaq öldürülüb və ya xəsarət alıb.
APA-nın xəbərinə görə, bu barədə UNİCEF məlumat yayıb.
Təşkilat bildirir ki, cari ilin ilk 2 ayı ərzində 47 uşaq öldürülüb və ya xəsarət alıb. 2014-cü ildə müharibə başlayandan 10 200-dən çox uşaq ölüb və ya yaralanıb. Ölkədə 2500-dən çox məktəb dağıdılıb, və ya hərbi ehtiyaclar üçün istifadə edilir.
BMT-nin statistikasına görə, Yəməndəki münaqişə 380 000 nəfərin həyatına son qoyub. Əhalinin 80%-i humanitar yardımlardan asılı vəziyyətdə yaşayır.
