Yeni respirator viruslarla bağlı müraciətlərin sayında artım müşahidə olunur.
AZXEBER.COM Xezerxeber.az-a istinadən xəbər verir ki, son vaxtlar havaların soyuq keçməsi, temperaturun düşməsi respirator virusların aktivləşməsinə səbəb olub. Xüsusilə sümük və əzələ ağrılarından şikayət edənlərin artması əhali arasında yeni virus qorxusu yaratsa da, mütəxəssislər bunun səbəbini havaların dəyişməsi ilə izah edirlər.
Pediatr-infeksionist Aytən Ziyadova bildirib ki, virusdan ən çox təsirlənən qrup isə uşaqlardır. Onların qapalı məkanlarda və bir-biri ilə daha yaxın təmasda olması yoluxma riskini dəfələrlə artırır. Bəzi hallarda bu viruslar ciddi fəsadlara, hətta sətəlcəmə yol aça bilər.
