"Rus dilində danışanları müzakirə etməkdənsə, başqa dil bilməyib, ana dilində ləhcəylə danışan, vurğunu sözlərdə düzgün istifadə etməyən aparıcılara "mız qoyun"".
AZXEBER.COM xəbər verir ki, bu sözləri müğənni Nura Suri "Facebook" hesabında yazıb.
Sənətçi son zamanlarda aktual olan məktəblərdə rus bölmələrinin bağlanması ilə bağlı məsələyə fikir bildirib:
"Ana dilimdə rahat danışıb, fikirlərimi ifadə edə, yazıb-oxuya bilirəmsə və başqa dillərdə də bunu edirəmsə, burada heç bir qəbahət yoxdur. Yəni, rus, ingilis, fars, ərəb fərq etmir. Sən Allah yığışdırın bu rus dilində danışanlara mız qoymağı. Başqa dil bilməyib, ana dilində ləhcəylə danışan, vurğunu sözlərdə düzgün istifadə etməyən aparıcılara "mız qoyun". Hatta hərfləri düzgün tələffüz edə bilmirlər, hələ də bir çoxu ç hərfiylə, c hərfini ayırd edə bilmir.
Məktəbdə əlavə dil olaraq oğlum fransız dili də keçir. Fransanın prezidenti bizi sevmir deyə baykot edək fransız dilini? Hansı məntiqə əsaslanır axı sizin bu düşüncələriniz? Bəsdinin!!"
Aysel
