Dünyada yoluxucu xəstəliklərin qarşısının alınması məsələsi yenidən diqqət mərkəzinə gəlib.
AZXEBER.COM xarici mətbuata istinadən xəbər verir ki, Banqladeşdə qızılca xəstəliyinin geniş yayılması peyvəndlənmə səviyyəsinin aşağı düşməsinin yarada biləcəyi təhlükələri bir daha gündəmə gətirib.
2026-cı ilin mart ayının ortalarından etibarən ölkədə 202 mindən çox şübhəli yoluxma halı və 1 147 ölüm qeydə alınıb. Ölənlərin böyük əksəriyyəti beş yaşdan kiçik uşaqlardır.
Məlumatda bildirilir ki, yoluxma hallarının böyük hissəsi peyvənd olunmayan şəxslər arasında qeydə alınıb. Bu vəziyyət uşaqların vaxtında peyvənd edilməsinin əhəmiyyətini bir daha göstərir.
Qızılca yüksək yoluxuculuğu ilə seçilən virus xəstəliyidir. O, xüsusilə azyaşlı uşaqlarda ağırlaşmalara səbəb ola bilər.
Mütəxəssislər valideynlərə uşaqların peyvənd təqvimini yoxlamağı, peyvəndlə bağlı suallar yarandıqda həkimə müraciət etməyi tövsiyə edirlər.
Gülay
