AZXEBER.COM-un Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, kanallarda “unikal kontent”in yayımlanacağı gözlənilir. Bu kanallardan bir neçəsi artıq noyabr ayında, qalanı isə gələn il ərzində işə salınacaq və hər gün 25 saatadək unikal video yayımlanacaq. Yeni kanalların prodüserləri həm dünyanın televiziya, musiqi, idman aləminin məşhur simaları, həm də iri media şirkətləri olacaq. Onlar arasında müğənni Madonna, basketbolçu Şakil Onil, məşhur skeytbordçu Tonu Houk, The Wall Street Journal nəşri, Reyter xəbərlər agentliyi və digərləri var. “Google” bu layihəyə 100 milyon dollar yatırmağa hazırlaşaraq qoyulan vəsaitləri reklam vasitəsilə qaytarmağı planlaşdırır. “YouTube”-da servis istifadəçilərinin öz kanallarını yaratmaq imkanı əvvəl də olub. Lakin yeni kanallar videohostinq istifadəçiləri üçün xüsusi yaradılan unikal kontent yayımlayacaq. Hazırda “YouTube”-da hər dəqiqədə 48 saata yaxın video yüklənir, hostinqin gündəlik istifadəçilərinin sayı isə 3 milyardı ötür.
“YouTube” kanallarını işə salır
Bütün Xəbərlər
23:48 31.10.2011
1808
OXŞAR XƏBƏRLƏR
ƏN SON XƏBƏRLƏR
