"Bu çətin anda Türkiyə xalqı və hökuməti ilə həmrəyik".
Bunu Yunanıstan Xarici İşlər Nazirliyi Türkiyədə baş verən zəlzələ ilə bağlı "Twitter"də paylaşımında bildirib.
"Düşüncələrimiz Türkiyənin şimal-qərbində yerləşən Düzce vilayətində baş verən zəlzələdən zərər çəkən hər kəslədir. Yaralıların tezliklə sağalmasını arzulayırıq. Bu çətin zamanda Türkiyə xalqı və hökuməti ilə həmrəyik", - paylaşımda qeyd olunub.
Xatırladaq ki, Türkiyədə baş verən zəlzələ nəticəsində xəsarət alanların sayı 68-ə çatıb, onlardan birinin vəziyyəti ağırdır.
