AZXEBER.COM Türkiyə mediasına istinadən xəbər verir ki, bu barədə məşhur türk astroloq Dinçer Güner öz sosial media hesabında paylaşım edib.

 

O, paylaşımda bildirib:

 

"Yupiterin retrosu sizi daha çox daxili məmnuniyyət axtarmağa yönəldən bir enerji gətirir. Maddi nailiyyətlər, status və ya insanların sizin xarici görünüşünüzü  bəyənməsi bir müddət arxa plana keçə bilər. Mənəvi-fəlsəfi inkişaf, məna axtarışı və şəxsi inanclar daha çox əhəmiyyət kəsb edəcək.

 

Bu dövrdə normal olaraq daha geniş prizmadan baxılan məsələlər dərin təhlil prosesinə keçə bilər. Məsələn, təhsil, səyahət, hüquq və ya şəxsi inkişaf planlarınıza yenidən baxmaq ehtiyacı hiss edə bilərsiniz.

 

Böyük hədəflərinizi nəzərdən keçirmək, çatışmayan hissələri tamamlamaq və ya daha güclü təməllər üzərində qurmaq üçün yaxşı fürsətdir.

 

Bu dövrdə gələcəklə bağlı qeyri-müəyyənlik hissi arta bilər. Ancaq bu uğursuzluq demək deyil. Əksinə, bu geri çəkilmə dövrü uzunmüddətli perspektivdə daha yaxşı addımlar atmağımız üçün yaxşı təsir göstərəcək.

 

Mənəvi inkişaf üçün əla vaxtdır. Meditasiya etmək, şəxsi inanclar, həyatın mənası haqqında düşünmək, fəlsəfi araşdırmalar aparmaq və keçmişdə buraxdığımız səhvlərdən dərs almaq üçün ideal bir dövrdür. Bu prosesdə həyatımızda həqiqətən nəyi böyütmək istədiyimizi daha aydın başa düşə bilərik və bu barədə dərindən düşünmək şansımız ola bilər".