'Zalsburq'un futbolçusu: 'Onlar fikirləşdiyimizdən də yaxşı çıxış etdilər'
İDMAN
10:45 02.08.2014
1058
“Biz səfərə qələbə üçün yollanmışdıq. Ancaq qapımızdan buraxdığımız erkən qol planlarımı pozdu”.AZXEBER.COM-un məlumatına görə, bu sözləri Avstriyanın “Zalsburq” klubunun futbolçusu Andreas Ulmer Çempionlar Liqasının III təsnifat mərhələsinin “Qarabağ”la ilk oyunu (1:2) haqda danışarkən deyib.Ölkəsinin mətbuatına açıqlama verən avstriyalı müdafiəçi “Qarabağ” haqda xoş sözlər deməklə yanaşı mərhələni keçəcəklərinə inadığını bildirib: “Qarabağ”ın oyununu analiz etmişdik. Bilirdik ki, komanda texnikalı və sürətli futbolçulara malikdir. Düzü, “Qarabağ”dan belə oyun gözləmirdik. Onlar fikirləşdiyimizdən də yaxşı çıxış etdilər. Ancaq bizim bir çox epizodlarda bəxtimiz gətirmədi. Əslində hesab oyuna görə olmadı. Qalib gələ bilərdik. Mərhələnin taleyini növbəti oyunda həll etməliyik. Cavab qarşılaşmasında istədiyimiz oyunu nümayiş etdirəcəyik. Mərhələni keçmək şansı bizdə daha çoxdur”.
