Zamiq: 'Məndən xoşu gəlməyən bir-iki nəfər var' - VİDEO

Müğənni Zamiq Hüseynov şortikli geyimdə çəkilən fotolarına görə sosial şəbəkədə tənqid olunub.Sənətçi “Onlar” verilişinə açıqlamasında bu iradları həmkarlarının yazdığını iddia edib:“İstirahətdə olarkən dəniz kənarında şortikdə şəkillər çəkdirdim, sosial şəbəkədə paylaşdım. Onları yarıçılpaq adlandırıb, tənqid etdilər. Dəniz kənarında şuba, palto ilə gəzəcək deyiləm ki... Mənə dedilər, bu tənqidləri müğənni dostlarım yazırlar. Buna inanıram. Başqa adla profil açıb, ürəklərindəkini söyləyirlər. Onların kim olduqlarını bilirəm. Məndən xoşu gəlməyən bir-iki nəfər var... İradları məni narahat etmir, onsuz da qara siyahıya atıram, şərhləri silirəm. Mən dözürəm. Nə qədər yazsalar da, cavab verməyəcəm. Özümüzə hörmət edək. Nəsə yazanda gərək diqqətli olaq”.Müsahibə zamanı gözü kənarda fotosessiya etdirən modelə sataşan Zamiqin ondan diqqətini çəkə bilməməsi də kameralardan yayınmayıb. Hətta ifaçı “Qəşəng qızdır, hə?”, deyə bildirib.Qarderobundan da danışan Zamiq zövqünə güvəndiyini söyləyib:“Maraqlı zövqüm var. Paltarlarımın 90 faizini özüm seçirəm. Xoşuma gəlməyən heç nəyi geyinmirəm. Töküntü paltarları daha çox bəyənirəm”.