Müğənni Zamiq Hüseynov Türkiyəyə tez-tez getməsinin səbəbini açıqlayıb.
Axşam.az-ın məlumatına görə, sənətçi "ATV maqazin onlarla"ya açıqlamasında deyib ki, qardaş ölkədə özünü daha rahat hiss edir:
"Hər şeyə diqqət edirsən. Bəzən bu qadağalar səni sıxır. Onda da yaxın ölkəyə - Türkiyəyə gedirəm. Orada avtobusa, metroya minirəm, dostlarla danışır, istədiyin kimi hərəkət edirsən. Burada olanda xəlvət foto çəkirlər, yayılır. İstəmirsən xoşlamadığın görüntün yayılsın. Axı mən də arada qışqıra-qışqıra danışmaq, ayağımı ayağımın üstünə aşırıb oturmaq istəyirəm. Dənizə gedib, sudan çıxıb əylənmək arzulayıram. Amma həmin an görüntümün çəkilib bəzi yerlərə yerləşdirilməsini xoşlamıram. İndi çox yerə getmirəm. Bəyənmədiyim verilişlərə qatılmıram. Ulduzluq deyil, sadəcə istəmirəm. Bəzən hər yerə gedirsən, başlayırlar ki, hara baxırsan oradadı. Bu mənim canımda yoxdur".
