Turizm Nazirliyinin Zaqatala şöbəsinin rəhbəri Zümrüd Atakişiyeva isə məlumatı yayanı axtarır
Zaqatalada yerləşən tarixi abidə çayxanaya çevrilib.
AZXEBER.COM Bizimxeber.az-a istinadla xəbər verir ki, Zaqatala şəhərinin mərkəzində yerləşən, böyük bir tarixi özündə əks etdirən V-VI əsrə aid Alban kilsəsi çay evi kimi icarəyə verilib. Hətta kilsənin bir otağı hörülərək dəmir qapı qoyulub, qapı qıfıl ilə bağlanaraq anbar kimi istifadə edilir.
Bİldirilir ki,Mədəniyyət və Turizm Nazirliyinin Zaqatala şöbəsinin rəhbəri Zümrüd Atakişiyeva və Tərlan Əhmədov bu hallara göz yumur və bu çay evindən haqq alırlar.
Mədəniyyət və Turizm Nazirliyinin Zaqatala şöbəsinin rəhbəri Zümrüd Atakişiyeva ilə əlaqə saxladıq. Xəbərə qətiyyən narahat olmayan Zümrüd Atakişiyeva bu tarixi abidədə çay evinin olmasından yox, məlumatı kim yaya bilər məqamı daha çox düşündürdü: “Məlumatı kim verib? O adamı necə tapa bilərəm?…”
Hələlik susan Zümrüd Atakişiyevanın da mövqeyini dərc etməyə çalışacıq.
Abidənin çay evi kimi istifadəsini sübut edən fotoları təqdim edirik:
