"Bizə yalnız qələbə deyil, ədalət lazımdır”.
AZXEBER.COM xarici mediaya istinadən xəbər verir ki, bu sözləri Ukrayna prezidenti Vladimir Zelenskinin həyat yoldaşı Yelena Zelenska Britaniya parlamentində deyib.
Belə ki, Yelena Zelenska Britaniya parlamentində çıxış edərək Britaniyanı Ukraynanın Rusiya qüvvələrinə qarşı mübarizəsində lider olmağa çağırıb:
"Ədalətə ehtiyacımız var. Çünki ədalət əvvəlki müharibələrin sonunu gətirdiyi kimi bu müharibənin də sonunu gətirəcək. Raketlərdən zərər görən xalqımız üçün ədalətə ehtiyacımız var. Ukraynanın, Avropanın və bütün dünyanın indi bu ədalətə ehtiyacı var. Bu yenidən Londonda işə salına bilər. Çünki biz bilirik ki, ədalət Britaniyanın həyat tərzinin meyarlarından biridir. Sizin güclü beynəlxalq hüquq və humanizm dəyərlərini müdafiə edən vəkillik təcrübəniz var. Buna görə də biz İngiltərəyə səslənirik” - deyib.
BCM Məhkəməsinin Rusiyanı işğal etdiyinə görə cəzalandırmaq üçün kifayət qədər gücə malik olmadığını müdafiə edən Zelenska, "Rusiyanın Ukraynaya qarşı təcavüz cinayətinə qarşı BCM-nin fəaliyyətini zəiflətməyəcək, əksinə gücləndirəcək xüsusi bir məhkəmə başlatmalıyıq" dedi. Britaniyalı deputatlardan xüsusi məhkəmə çağırışını dəstəkləmələrini xahiş edən Zelenska, "Ədalət və qələbə də müttəfiqlər olmadan mümkün deyil. 1942-ci ilin yanvarında olduğu kimi, biz dünya ictimaiyyətini birləşdirməliyik. Ədalət uğrunda mübarizədə dünya lideri olmaq üçün sizdən kiçik bir lütf diləyirəm. Bu ədalət təkcə Ukrayna üçün lazım deyil, həm də dünya üçün lazımdır.Dünyanın sağ qalması üçün ədalət."İnanıram ki, Böyük Britaniya dünyanı daha yaxşı və daha ədalətli dünyaya çevirmək üçün bu sürəti həlledici təkan verə bilər".
Qeyd edək ki, Zelenskanın çıxışı britaniyalı deputatlar tərəfindən müsbət qarşılanıb.
Mikayıl
