Ziya Bünyadov prospektinin Əhməd Rəcəbli küçəsi ilə kəsişməsində yol ötürücüsünün tikintisi davam edir
İQTİSADİYYAT
16:56 07.08.2012
5101
Ziya Bünyadov prospektinin Əhməd Rəcəbli küçəsi ilə kəsişməsində yol ötürücüsünün tikintisi davam edir. AZXEBER.COM-un AzerYolServis ASC-nin rəsmi saytına istinadən verdiyi xəbərə görə, uzunluğu 600 metr, eni 28,5 metr nəzərdə tutulan yol ötürücüsü 6 hərəkət zolağından və 11 dayaqdan ibarət olacaq. Yanaşma yolları 272 metr təşkil edəcək yol ötürücüsünün Böyük Şor istiqamətində olan bir tərəfi və istinad divarlarının tikintisi başa çatdırılıb. Hazırda əks istiqamətdə svay-qazma işləri yekunlaşıb, iki kənar dayağın hər ikisi betonlanıb. Kommunikasiya xəttlərinin köçürülməsinə gəldikdə isə, ərazidə olan elektrik xəttləri köçürülüb, su, konalizasiya, rabitə xəttlərinin köçürülməsi işləri davam etdirilir. İnşasına 2011-ci ildə start verilən layihənin 2012-ci ildə başa çatdırılması planlaşdırılır.
