Ziya Məmmədovun oğlunun yazdığı mahnı qalmaqala səbəb oldu - VİDEO
MAQAZİN
15:43 29.10.2012
3848
Sənətçi Brilliant Dadaşovanın bu günlərdə ifa etdiyi mahnı ətrafında qalmaqal yaranıb. Gün.Az xəbər verir ki, xalq artisti Abbas Bağırov, Ramal İsrafilov və Könül Kərimovanın ifasında dinlədiyimiz “Aləm gözəl” mahnısını oxuduqdan sonra Abbas Bağırov mahnının bəstəkarına qarşı çıxıb.A.Bağırov sözləri Leyla Əmirliyə məxsus olan mahnının bəstə müəllifinin Ramal İsrafilov olmadığını iddia edib. O, Space telekanalında nümayiş olunan maqazin proqramlarından birində deyib ki, “Aləm gözəl” mahnısının müəllifi iş adamı Anar Məmmədovdur.Abbas Bağırovun ifasında eşidilən və bəyənilən bu mahnını gələcəkdə daha kimlərin oxuya biləcəyi ilə bağlı suala cavabında müğənni onun ifasının bəyənildiyini deyib.“Müəllif mahnını mənim oxumağımı istəyib. Mənim Anar Məmmədova böyük hörmətim var. Müəllif gələcəkdə mahnını başqalarının da oxumasını istəsə, onlar da oxuyacaq”.Xalq artisti Brilliant Dadaşova isə Gün.Az-ın müxbiri ilə söhbətində mahnının sırf onun sifarişlə ərsəyə gəldiyini deyib.“Ramala zəng etdim, ona dedim ki, mənə bir çox mahnılar yazmısan. Hansı ki, sözləri belə demək mümkünsə, kədərlidir. Artıq toylarda bəylə-gəlin rəqs edərkən kədərli mahnılar oxumaqdan bezmişəm. İstəyirəm ki, mənə sevgi dastanı yazasan. İstəyirəm ki, qəşəng, pozitiv, sevgi dolu bir mahnı olsun.Mahnı hazır olduqdan sonra mahnını toylardan birində Ramalın ifasında eşitdim. Ona dedim ki, axı bu mahnı mənə yazılmışdı. Niyə sən oxudun? O, mənə dedi ki, Brilliant xanım, bütün mahnılarım sizə qurbandır”.Əslində isə mahnının bəstəsi Anar Məmmədova aiddir. Bir neçə il mahnını Ramal İsrafilovun bəstəsi kimi oxuyan Abbas Bağırov hazırda vaxtilə onun yaratdığı “A trio” qrupunun solisti ilə yollarını ayırıb.Müğənnilərin arasından hələ bir neçə il öncə qara pişik keçib... Məhz buna görə A.Bağırov mahnının bəstəkarı ilə bağlı indi danışmaq qərarına gəlib.
