“Özlərini bilərəkdən ölümün qucağına atmasınlar” - Xəbərdarlıq

“Özlərini bilərəkdən ölümün qucağına atmasınlar” - Xəbərdarlıq
SOSİAL
16:09 03.04.2020
690
Koronavirus (COVID-19) infeksiyası ölkəmizə gətirilmə infeksiyadır. Lakin son zamanlar infeksiyaya ölkədaxili yoluxma hallarına rast gəlinir və artım qeydə alınır. Bunun da səbəbi tətbiq edilən qaydalara, daxili normalara riayət etməyən vətəndaşlardır. Bəziləri virusa yoluxmayacağını düşünür, qaydalara əməl etmirlər. Onlar özlərinə deyil, həkimlərə, dövlətin tapşırıqlarına güvənməlidirlər. Bəzi vətəndaşlar isə virusun olmadığını düşünürlər. Onlar şaiyələrə uyur, qeyri-rəsmi mənbələrə istinad edirlər. Həmin vətəndaşlara demək istərdim ki, virus olmasa idi, dünyanın ən inkişaf etmiş, müasir ölkələrində, bütün qitələrdə xəstəlik yayılmazdı, bu qədər karantin rejimi və ona müvafiq qaydalar tətbiq edilməzdi.

AZXEBER.COM xəbər verir ki, bu sözləri AzərTac-a açıqlamasında Səhiyyə Nazirliyinin baş epidemioloqu İbadulla Ağayev deyib.

"Bildiyimiz kimi koronavirus Ümumdünya Səhiyyə Təşkilatı tərəfindən pandemik virus elan olunub. Koronavirus demək olar ki, bütün ölkələri, qitələri bürüyüb.

Azərbaycanda digər dövlətlərdən fərqli olaraq vaxtında qabaqlayıcı tədbirlər görülüb. Ölkəmizdə əks-epidemik tədbirlər hələ də davam etdirilir. Vətəndaşlara bir daha müraciət edirəm ki, hökumətin tətbiq etdiyi karantin rejiminə riayət etsinlər. Özlərini bilərəkdən ölümün qucağına atmasınlar. Böyüklər özlərini qorusunlar, cavanlara, gənclərə küçəyə səbəbsiz çıxmamağı aşılasınlar.

Dövlət əhalinin sağlamlığının qayğısına qalır. Əhalinin sağlamlığının etibarlı qorunması Prezident İlham Əliyevin hər zaman diqqət mərkəzindədir. Belə olmasa idi, bu qədər sərmayə sərf edilib ölkəmiz üçün lazımi preparatlar, avadanlıqlar gətirilməzdi.

Ölkəmizin infeksiya ilə mübarizə aparmaq gücü var. Lakin vətəndaşlar da bu çətin vəziyyətdə atılan müvəqqəti və məcburi addımlara riayət etməklə infeksiyaya ilə mübarizəyə kömək edə bilərlər. Bundan sonra virusun yayılmasının qarşısının alınmasında müsbət nəticə əldə etmək olar.

Əhaliyə bir daha müraciət edirəm, dövlətin bu qədər tədbirlər gördüyü bir vaxtda, həkimlərin də əmək sərf etdiyi, həyatlarını riskə atdığı bir dönəmdə tətbiq edilən karantin rejiminin qaydalarına riayət etsinlər. Əks halda həmin şəxslər haqqında hüquqi məsuliyyət tədbirləri görüləcək.

İnsanlar infeksiyanın yayılma mexanizmini o qədər dərindən bilmədikləri üçün tətbiq olunan qaydalara etinasiz münasibət göstərirlər. Xəstəliyə yoluxma orqanizmin müdafiə qüvvəsindən asılıdır. Epidemiyadan fərqli olaraq pandemiya zamanı böyüklü-kiçikli hamı yoluxur. Bu o deməkdir ki, yaşından asılı olmayaraq sağlamlığına biganə yanaşanların, qaydalara etinasız münasibət göstərənlərin hamısının yoluxma riski yüksəkdir. Məsuliyyətli davranmaq lazımdır. İnsanlar laqeyd davranaraq özlərinin, yaxınlarının, ətrafdakıların həyatını riskə atmamalıdırlar.

Ona görə də evlərinizi, mənzillərinizi boş-boşuna, səbəbsiz tərk etməyin, bütün gigiyenik normativlərə riayət edin, tez-tez otağınızın havasını dəyişin. Eyvanınız varsa, çıxıb hava ala bilərsiniz. İstifadə etdiyiniz əşyaları, mətbəxdəki qab-qacağı dezinfeksiya edin. Evə daxil olan kimi mütləq əllərinizi yuyun. Yaxşı olardı ki, küçəyə çıxanda maska və əlcəklərdən istifadə edilsin. Evə gəldikdə isə onları mütləq dəyişmək lazımdır.

Əgər sizin hərarətiniz varsa, təcili tibbi yardıma, sahə həkimlərinə müraciət edin. Bu təkcə koronavirus infeksiyasına deyil, adi qripə, kəskin respirator xəstəliklərə də aiddir. Yalnız həkim təyinatından sonra müalicəyə başlamaq lazımdır. Özbaşına, tanışların məsləhəti ilə dərman qəbulu yolverilməzdir”, - deyə baş epidemioloq qeyd edib.

OXŞAR XƏBƏRLƏR
ƏN SON XƏBƏRLƏR
Goranboyda yük və minik avtomobilləri toqquşub
06:05 11.07.2025
Goranboyda yük və minik avtomobilləri toqquşub
ABŞ Dövlət Departamenti azərbaycanlı jurnalistin sualını cavablandırdı: “Azərbaycan və Ermənistanın sülh istəyini dəstəkləyirik”
02:57 11.07.2025
ABŞ Dövlət Departamenti azərbaycanlı jurnalistin sualını cavablandırdı: “Azərbaycan və Ermənistanın sülh istəyini dəstəkləyirik”
Ermənistan XİN: İlham Əliyevlə Nikol Paşinyanın Əbu-Dabi görüşü uğurlu olub
23:54 10.07.2025
Ermənistan XİN: İlham Əliyevlə Nikol Paşinyanın Əbu-Dabi görüşü uğurlu olub
Sabah bu ərazilərdə işıq olmayacaq
23:38 10.07.2025
Sabah bu ərazilərdə işıq olmayacaq
Temmi Bryus: ABŞ Azərbaycan və Ermənistanın sülh istəyini dəstəkləyir
23:29 10.07.2025
Temmi Bryus: ABŞ Azərbaycan və Ermənistanın sülh istəyini dəstəkləyir
Rubio: Putin və Trampın görüşü hələlik planlaşdırılmayıb
23:11 10.07.2025
Rubio: Putin və Trampın görüşü hələlik planlaşdırılmayıb
"Sabah" doğma meydanda Sloveniya klubuna məğlub oldu
22:53 10.07.2025
"Sabah" doğma meydanda Sloveniya klubuna məğlub oldu
ANAMA-nın əməkdaşı Füzulidə yol qəzasına düşüb, xəsarət alanlar var
22:43 10.07.2025
ANAMA-nın əməkdaşı Füzulidə yol qəzasına düşüb, xəsarət alanlar var
Şəmkirdə yaşayış binasında baş verən yanğın məhdudlaşdırıldı
22:28 10.07.2025
Şəmkirdə yaşayış binasında baş verən yanğın məhdudlaşdırıldı
Prezident BƏƏ səfərindən paylaşım etdi - VİDEO
22:18 10.07.2025
Prezident BƏƏ səfərindən paylaşım etdi - VİDEO
Professor Mirzə Qurbanov vəfat edib
22:12 10.07.2025
Professor Mirzə Qurbanov vəfat edib
Şəmkirdə ikimərtəbəli yaşayış binasında yanğın baş verdi, sakinlər təxliyə olundu
22:07 10.07.2025
Şəmkirdə ikimərtəbəli yaşayış binasında yanğın baş verdi, sakinlər təxliyə olundu
Britaniya və Fransa nüvə qüvvələrinin koordinasiyası sahəsində əməkdaşlıq barədə saziş imzalayıb
21:51 10.07.2025
Britaniya və Fransa nüvə qüvvələrinin koordinasiyası sahəsində əməkdaşlıq barədə saziş imzalayıb
Bitkoinin qiyməti tarixinin ən yüksək həddinə çatıb
21:46 10.07.2025
Bitkoinin qiyməti tarixinin ən yüksək həddinə çatıb
Prezident İlham Əliyevin Birləşmiş Ərəb Əmirliklərinə səfəri başa çatıb - FOTOLAR
21:33 10.07.2025
Prezident İlham Əliyevin Birləşmiş Ərəb Əmirliklərinə səfəri başa çatıb - FOTOLAR
Milli Məclisin sədri Sahibə Qafarova Bosniya və Herseqovinaya səfər edib - FOTO
21:30 10.07.2025
Milli Məclisin sədri Sahibə Qafarova Bosniya və Herseqovinaya səfər edib - FOTO