Son günlər səhhətində olan problemlərlə gündəmə gələn bloger-influser Aynişan Xalid yaşadığı çətinliklərdən bölüşüb.
AZXEBER.COM xəbər verir ki, o, sosial media vasitəsilə yaşadıqlarını izləyiciləri ilə bölüşüb.
Hissə-hissə yaşadığı çətinliklərdən danışan Aynişan səbəbsiz xəstələnməsindən danışıb:
"Son zamanlar necə havəssiz olduğumun siz də fərqindəsiniz yəqin ki. Bu sadəcə özümə yox, işimə də belədir. Özümü güclə də olsa həvəsə
gətirməyə çalışdım, amma alınmadı. Özümə güc gələ bilmirəm. Hər gün bir məlumat oxuyub depressiyaya düşürdüm. Beləliklə özüm-özümü dibə çəkdim. Ruhən o qədər çökdüm ki, səbəbsiz yerə xəstələnməyə başladım. Səyahətlərim belə həyatıma rəng qatmırdı artıq. Özüm -özümə dedim, düş, düşə bildiyin qədər. Düşdüm, hətta dibə toxundum və bu mənim heç xoşuma gəlmədi".
O, özünü toparlamaq üçün səfərə çıxdığını bildirib:
"Bu gün çamadanımı toplamışam, gedirəm. Yaxşıyammı bilmirəm. Amma dibdə qalmaq istəmədiyimi anladım".
Aysel
