Aparıcı Zümrüd Bədəlova BNA-nı sərt tənqid etdiyi üçün efirdən uzaqlaşdırıldığı haqda xəbər yayılıb.
AZXEBER.COM xəbər verir ki, Xəzər TV-də çalışan prodüser-aparıcı Tarix Əliyev video paylaşaraq deyilənləri təkzib edib.
Tolik Zümrüdün işinin başında olduğunu bildirib. Zümrüd bu haqda yayılan xəbəri gülüşlə qarşılayıb.
Qeyd edək ki, aparıcı Zümrüd Bədəlova sosial şəbəkədə avtomobilini cərimə meydanına aparan BNA-nı belə tənqid edib.
"Allah sizin bəlanızı versin. Hansı qanunda indi maşını yerindən tərpədirlər, ay insafsızlar? Duxunuz çatırdı qabağındakı bahalı maşını da aparardınız. Sizi görüm elə hala düşəsiniz ki, əziziniz öləndə onu aparmağa maşın tapmayasınız. BNA – qanunsuz, iş bilmədən millətin pulunu yeyənlər!”.
Məsələ ilə bağlı Bakı Nəqliyyat Agentliyinin (BNA) Mətbuat katibi Mayis Ağayev isə baku.ws-ə açıqlamasında aparıcı Zümrüd Bədəlovanın ittihamına cavab verib:
"Xahiş edirəm bilmədən ittiham etməyək. Əvvəlcə onu qeyd edim ki, adıçəkilən qadın bizi tənqid yox təhqir edib. Biz tənqidə açıq olmuşuq və bu belə də olacaq. Amma təhqir etmək olmaz. Həm də qeyri-etik ifadələrlə, qarğışla... Bu şəxs nəqliyyat vasitəsini Əziz Əliyev küçəsində saxlayıb hərəkətə maneə yaradıb. Təxliyə zamanı nəqliyyat vasitələri bir-bir aparılır. Hələ bir neçə avtomobili eyni anda daşımaq mümkün deyil. Digər yandan, bu qadın təkcə bir ayda 12 dəfə qayda pozub".
Nazim Qasımzadə
