Qeyd edim ki, həmkarlarımla bərabər valideynlərin də mediaturda və sonda təşkil olunan Dəyirmi Masada iştirakı çox xoş təsir bağışladı. Tələbələrin ata-anaları ilə yanaşı, nənələri də tədbirdə iştirak edən tələbələr vardı. Fürsətdən istifadə edib Maşınqayırma fakülsəsinin 2-ci kurs tələbəsi Əlirza Salehi Razın anası Gülarə xanımla söhbət etdim. Kollektivdən razılığını bildirən Gülarə xanım qeyd etdi ki, 2 il ərzində kitab alışı və tələbələrin təşkil etdikləri ad günü və digər məclislərdən kənar heç bir xərci çıxmayıb. Digər valideynlər də rektor və müəllim heyətindən razılıq etsələr də, kompyuterlərin köhnə olmasından narazılıq edib, təzələnmə istəyini dilə gətirdilər.

 

İmtahanın gedişi zamanı tələbələrlə söhbət edəndə də, tələbələrin ən çox arzuladığı təzə kompyuterlər və problemləri dərsliyə əlavələrdə Azərbaycan dilində ədəbiyyatın azlıq təşkil etməsi idi.

 

Mediaturda Mətbuat Şurasının rəhbərliyi, Təhsil Nazirliyi və universitetin İctimai Şurasının üzvləri, valideynlər və KİV nümayəndələri iştirak edib. İştirakçıları universitetin auditoriyalarında imtahan prosesini izləyib və cavabların yoxlanılması haqqında məlumatlandırılıblar.

 

Rektor Vilayət Vəliyev bildirib ki, universitetdə imtahanlar test üsulu, yazılı və şifahi formalarda aparılır. Bütün imtahanlar "Elektron Universitet Portalı"vasitəsilə nəzarətə götürülür. İmtahanların nəticələri dərhal həmin sistemdə qeydə alınır. Tələbə test imtahanlarının nəticələrini cavabları təsdiq etdikdən sonra dərhal kompüterin ekranından görür. Onu da bildirək ki, bir dəfəyə 250 tələbə kompüter vasitəsilə test imtahanını verə bilir. Yazılı imtahanlar da test imtahanları kimi ciddi nəzarətə götürülüb, yazılar şifrələnir, sonra yoxlanılır.

 

Universitetdə imtahan sessiyasının gedişinə nəzarət etmək məqsədilə Münaqişə Komisiyası təşkil olunub. Komissiya bütün müraciətlərə baxır, araşdırır, qiymətləndirmədə şəffaflıq və operativliyi təmin edir.

 

Münaqişə Komossiyasının üzvü Əlməmməd Nuriyev qeyd etdi ki, ötən il şuraya 39 şikayət daxil olub, onlardan 12 şikayət təmin olunub, 10 tələbə əşikayət əriəsini geri götürüb, qalanlarının şikayəti araşdırılır.

 

Daha sonra valideynlərin və mətbuat nümayəndələrinin iştirakı ilə təşkil olunan görüşdə onları maraqlandıran suallar cavablandırılıb.

 

Qeyd edək ki, yanvarın 7-dən başlayan və fevralın 7-nə kimi davam edəcək sessiya imtahanlarında hər hansı səbəbdən iştirak edə bilməyən tələbələr (magistrantlar) ərizə ilə müraciət edərək fevralın 15-dək həmin fənlərdən imtahan verə biləcəklər.