AZXEBER.COM xarici mediaya istinadən xəbər verir ki, 1990-cı ildə yaşı 100-dən yuxarı olanların sayı 92 min idisə, 2021-ci ildə bu rəqəm 621 minə çatıb.

BBC-nin məlumatına görə, illərdir yaşı 100-dən yuxarı olan insanları müşahidə edən İspaniyanın Madrid Universitetindən akademik Maria Dolores Merino uzunömürlü insanların ortaq xüsusiyyətlərini 8 kateqoriyada toplayıb.

100 yaşdan yuxarı olanların ən xarakterik xüsusiyyətlərindən biri fitnesdir. Özünü canlı və enerjili hiss etmək istəyi mühüm psixoloji amildir.

Araşdırmalar göstərir ki, 100 yaşdan yuxarı insanlar ümumiyyətlə ictimailəşməyə həvəslidirlər. Maria Dolores Merino deyir: "Onların ailələri və ya dostları ilə yaxın münasibətləri var. Onlar başqalarına bacardıqları qədər kömək edirlər və özlərini sevildiklərini hiss edirlər, bu çox vacibdir".

100 yaşdan yuxarı insanların başqa bir ümumi xüsusiyyəti fədakarlıqdır. Onlar ümumiyyətlə məsuliyyətli və çalışqan insanlardır. Məqsədlərinə çatmaqda qərarlıdırlar.

Uzun ömrün "sirləri” arasında dözümlülük və çətinliklərin öhdəsindən gəlmək gücü önə çıxır. Çətinliklər qarşısında dözümlü olmaq və onlardan təcrübə qazanmaq uzunömürlülüklə birbaşa bağlı ola bilər.

Digər psixoloji ortaq cəhət isə 100 yaşdan yuxarı insanların ümumiyyətlə öz qərarlarını vermələri və həyatlarına nəzarət etmələridir.

Aktiv beyin, maraq, öyrənmək istəyi. Bunlar tədqiqatçıların 100 yaşdan yuxarı insanlarda müşahidə etdiyi xüsusiyyətlərdir.

Andersenin sözlərinə görə, 100 yaşı tamam olanların dünyagörüşü əhəmiyyətli dərəcədə müsbətdir: "Siz demək olar ki, 100 yaşı olan bir adamın "kaş həyatda olmayaydım" dediyini eşitmirsiniz. Amma 40 yaşlılara "100 yaşınızı görmək istəyirsən?” soruşsanız, çoxu "yox” deyəcək”. Daha uzun yaşayan insanlar ümumiyyətlə dünyada baş verənlərlə daha çox maraqlanırlar.

Nəhayət, daha uzun ömür sürənlərdə müşahidə edilən başqa bir ümumi xüsusiyyət də anlama gücüdür. Bu insanlarda düşünmə, əsaslandırma və problem həll etmə kimi idrak qabiliyyətləri önə çıxır.