Sumqayıt şəhərində 9 saylı orta məktəbin 11-ci sinif şagirdi olan qızı qaçırıblar.
Bu barədə Sumqayıt sakinləri xəbər verib. Hadisə bu gün bir neçə saat bundan öncə baş verib.
Baş verən hadisə ilə bağlı 9 saylı məktəbin direktoru Bəhruz Səlimxanov Sumqayıt şəhər Polis İdarəsinə aparılıb.
Məsələylə bağlı məktəb direktoru Bəhruz Səlimxan açıqlama verib. Məktəbin direktoru Xeberle.com-a belə bir faktın olduğunu təsdiqləyib. Lakin o, hadisənin məktəbdə deyil, dərs bitəndən sonra - çöldə baş verdiyini deyib. B.Səlimxanov hadisəylə bağlı Sumqayıt şəhər Polis İdarəsinə aparılması ilə bağlı yayılan məlumatları isə təkzib edib: "Belə bir hadisə olub. Amma dərs bitəndən sonra. Həmin şagird məktəbdən çıxandan sonra qaçırılıb. Qaçırılan qız 11-ci sinif şagirdi Məleykə Əliyevadır. Mənim polisə aparılmağımla bağlı məlumat isə tamamilə yalandır. Hazırda iş başındayam``, - deyə direktor bildirib.
Avropa.info
