Türkiyədə "Harun Yəhya” ləqəbi ilə tanınan, təcavüz, fırıldaqçılıq və başqa cinayətlərdə ittiham olunan Adnan Oktarla bağlı yeni iddia irəli sürülüb.
Türkiyəli jurnalistlərdən biri səs yazısı ələ keçirib. Həmin qeyddə Türkiyədə yaşayan valideynlərdən birinin 11 yaşlı qızını Adnanla evlənməyə məcbur etməsi əks etdirən səs yazıları yer alıb. Uşağın anası qızına Adnan Oktara ərə gedəcəyi təqdirdə lüks və dəbdəbəbli həyat tərzi yaşayacağını deyib:
"Hocamız çox yaraşıqlı və varlıdır, nə olsun ki, yaşlıdır amma o, kralıdır. Ona ərə getsən "Porsche", "Ferrari" sürəcəksən. Boğazda evin olacaq. İndi yaşın azdır. Böyüyəndə məni daha yaxşı başa düşəcəksən. Kaş mənim evimdə xadimə çalışardı: yeməyimi bişirərdi, paltarlarımı yuyardı".
Sözügedən qızın 4 yaşı olanda iran əsili atası anası ilə boşanıb. Bundan sonra ana İsveçrəyə köçüb. O, Orada yenidən evlənib.
Xatırladaq ki, Adnan Oktara qarşı 2018-ci ildə İstanbul Respublika Baş Prokurorluğu tərəfindən əməliyyat təşkil olunub. Əməliyyat zamanı Adnan Oktar da daxil olmaqla 175 nəfər həbs edilib. Ona 1075 il həbs cəzası verilib.
Adnana cinayət törətmək məqsədilə təşkilat qurması, uşaqların cinsi istismarı, cinsi təcavüz, yetkinlik yaşına çatmayanlarla cinsi əlaqə, uşaqların qaçırılması və saxlanılması, şantaj, siyasi və hərbi casusluq, dini inanc və duyğuların istismarı kimi 30 ayrı maddə üzrə cinayət işi açılmışdı.
///bakı.ws
