Bu ilin əvvəlindən əmək qanunvericiliyinə edilmiş son dəyişikliklərdən biri də uşağının doğulması ilə əlaqədar kişilərə 14 təqvim günü ödənişli məzuniyyətin verilməsidir.
AZXEBER.COM Əmək və Əhalinin Sosial Müdafiəsi Nazirliyinə (ƏƏSMN) istinadən xəbər verir ki, artıq 415 işəgötürən tərəfindən 1126 işçiyə uşağının doğulması ilə bağlı 14 təqvim günü müddətində ödənişli atalıq məzuniyyəti verilib.
Bu məzuniyyət uşağın doğulmasından əvvəl və sonrakı dövrləri əhatə edir.
Məzuniyyətin verilməsi üçün işçi uşağının doğulması ilə əlaqədar müvafiq tibb müəssisəsinin arayışını işəgötürənə təqdim edir.
Bundan sonra işəgötürən tərəfindən işçiyə ödənişli atalıq məzuniyyəti verilir.
Bu barədə əmr ƏƏSMN-in "Əmək və Məşğulluq” altsistemində e-qaydada formalaşdırılır.
