Ramazan ayında insanlar bir-birini birliyə çağırır, yardımlaşırlar.
13 yaşlı Hüseyn Fətullayevin də yardıma ehtiyacı var. O, beyin iflicindən əziyyət çəkir. Hüseyn doğuş zamanı həkimlərin məsuliyyətsizliyi üzündən beyin travması alıb. Hüseyn nə yeriyir, nə də danışır. Gəzə bilmədiyindən, Hüseyn yerdə bardaş qurub oturmaq məcburiyyətindədir. Bu isə onda kəskin skolioz yaradıb. Üstəlik, başındakı kista da ona dəhşətli ağrılar verir. Hüseyn illərdir ki, həyatını bu şəkildə keçirir. Atası Bəxtiyar Fətullayev illərdir ki, onun müalicəsi üçün çaba göstərir.
Lakin Hüseynin əsaslı müalicəsi xarici ölkələrdə mümkündür və bunun üçün böyük məbləğdə (80 min dollar) vəsait tələb olunur. Məbləğin yalnız kiçik bir hissəsi toplanıb. Lakin məbləğ böyük olsa da, ümumxalq yardımı ilə Hüseynə kömək edə bilərik. Günahsız uşağın illərlə çəkdiyi ağrı-acılarına son vermək, onun müalicəsi üçün lazım olan məbləği toplamaq bizim əlimizdədir.
Ramazan ayı balacaya hərtərəfli dəstək olmaq üçün həm də biz insanlara bir fürsətdir.
Qeyd edək ki, Hüseyn Fətullayev tanınmış jurnalist Bəxtiyar Fətullayevin övladıdır.
