Bakı şəhəri, 132-134 nömrəli lisey növbəti möhtəşəm bir layihəsini həyata keçirdi.
AZXEBER.COM xəbər verir ki, "Gəlin, birgə ətrafımızdakı insanlara ümid və sevinc gətirək, uşaqlarımızın dünyasını daha da parlaq edək!” devizi altında xeyriyyə yarmarkası təşkil olundu.
Bu tədbirin təşkilində liseyin bütün kollektivi, xüsusilə, 9-cu sinif rəhbərləri, müəllimlər və şagirdlər, həmçinin valideynlər fəal iştirak etmişlər.
Yarmarkada şagirdlərin əl işləri, rəsm əsərləri, kitablar, aksesuarlar, Novruz şirniyyatlarının satışı təşkil olunmuşdu. Əldə olunan vəsait "Birgə və Sağlam” İctimai Birliyinə autizmli uşaqlrın təhsil ehtiyacları üçün bağışlanacaqdır. Tədbirdə Səbail Rayon İcra Hakimiyyətinin İctiimai-siyasi və Humanitar məsələlər şöbəsinin baş məsləhətçisi Abbasağa Dərbəndli, "Birgə və Sağlam” ictimai birliyinin sədri Aytən Eynalova, Aqiyə Naxçıvanlı, İqtisad elmləri doktoru, Türkiyə, Rusiya və Azərbaycan birgə professoru, Azərbaycan Respublukasının Əməkdar müəllimi Zahid Fərrux Məmmədov, Böhran vəziyyətlərində İdarəetmə mərkəzinin rəis müavini Salamova Əsmər və 2 nömrəli klinik Psixiatriya xəstəxanasının şöbə müdiri Aynurə Səfərova iştirak etmişlər. Şagirdlərimiz böyük həvəs və sevgi ilə bu aksiyaya qatılmışdılar. Liseyin direktoru Aygün Mikayılova tədbirin açılışında çıxış edərək bu tədbirin əsas məqsədini açıqladı, təşkilatçılara və təşəbbüskarlara minnətdarlıq bildirdi. İştirak edən qonaqların hər biri şagirdlərimizin milli-mənəvi dəyərlərinin inkişaf etdirilməsində bu növ tədbirlərin nə dərəcədə əhəmiyyətli olmasını vurğuladılar. Aksiya çox uğurla həyata keçirildi.
Xeyir əməllər etmək, gücümüzü bu yolda birləşdirmək babalarımızdan bizə qalan dəyərli bir ənənədir. Birlikdə biz hər zaman güclüyük!
