Azxeber.com informasiya portalı 2010-cu il aprelin 13-də fəaliyyətə başlayıb. Bildiyiniz kimi bu il artıq bizim 15 yaşımız tamam oldu”.
Bunu BAYRAQDAR MEDİA-ya açıqlamasında azxeber.com informasiya portalının təsisçisi və baş redaktoru, Mətbuat Şurası İdarə Heyətinin üzvü Hacıbəy Heydərli deyib.
Onun sözlərinə görə, azxeber.com yaranarkən qarşıya qoyulan əsas məqsədlərdən biri Azərbaycanın internet məkanında özünəməxsus yerə malik olmaq, Azərbaycan oxucusunu operativ məlumatlarla təmin etməkdən ibarət olub: "Deyə bilərəm ki, 15 il ərzində qarşıya qoyduğumuz məqsədə çatdıq və öz vəzifəmizin öhdəsindən layiqincə gəlməyi bacardıq. Ötən müddətdə əldə edilən uğurlar, həyata keçirilən layihələr və reallaşdırılan işlər onu deməyə əsas verir ki azxeber.com 15 il ərzində Azərbaycan internet media məkanında özünəməxsus yeri rolu olan bir sayt kimi özünü təsdiq edib. azxeber.com eyni zamanda Azərbaycanın ictimai rəyinə təsir etmə imkanı olan bir sayt kimi ön sıralarda dayanır”.
https://i0.wp.com/www.bayraqdar.info/wp-content/uploads/2025/04/azxeb2.jpg?resize=400%2C289&ssl=1 400w, https://i0.wp.com/www.bayraqdar.info/wp-content/uploads/2025/04/azxeb2.jpg?resize=150%2C108&ssl=1 150w, https://i0.wp.com/www.bayraqdar.info/wp-content/uploads/2025/04/azxeb2.jpg?resize=768%2C554&ssl=1 768w" sizes="(max-width: 800px) 100vw, 800px" style="box-sizing: border-box; max-width: 100%; height: auto;" />
H.Heydərli deyib ki, azxeber.com-un Qazaxıstan, Türkiyə, Özbəkistan, Gürcüstan və İtaliyanın media qurumları ilə əməkdaşlığı var: "Bizim həmin ölkələrin bəzi media orqanları ilə əməkdaşlıq memorandumlarımız var. Yeni dövrdə isə çalışacayıq ki, bu tipli memorandumların sayını daha da artıraq”.
H.Heydərlinin sözlərinə görə, bu əməkdaşlıqlar xüsusilə ona hesablanıb ki, Azərbaycan haqqında həqiqətlərin dünya ictimaiyyətinə daha çox şəkildə çatdırılmasında azxeber.com olaraq rol oynamaqdır.
O, da xüsusi olaraq vurğulanıb ki, ümumiyyətlə Azərbaycanda bir internet media subyektinin 15 il ərzində fəaliyyət göstərməsi sıradan bir məsələ deyil:
"Hesab edirəm ki, bu, Azərbaycanda media sahəsinə olan diqqətin təzahür olmaqla yanaşı, həm də bizim uğurlu fəaliyyətimizin bir təzahürüdür. Çünki bildiyiniz kimi müasir dövrdə internet media məkanında oxucuları hər dəqiqə təəccübləndirmək, maraqlandırmaq və bu sahədə də ayaqda qalmaq, unudulmamaq olduqca çətin bir məsələdir. Deməli, bunun üçün gecə-gündüz çalışmaq lazımdır ki, biz də ötən 15 il ərzində məhz bu istiqamətdə uğurlu fəaliyyət göstərmişik. Həmin uğurlarımızdan çıxış edərək, əminliklə deyə bilərik ki, qarşıdakı dövrlərdə də oxucularımız bizdən yeni, daha maraqlı məlumatları alacaqlar. Bir sözlə, internet media məkanına yeniliklər gətirmək üçün öz fəaliyyətimizi uğurlar davam etdirəcəyik”.
Müsahibimizin sözlərinə görə, yeni dönəmdə qarşıdaki əsas hədəflərdən biri sosial platformalarda daha da güclənməkdir: "Eyni zamanda yeni ideyalarla, yeni layihələrlə, yeni yazılarla oxucuların görüşünə gəlmək, Azərbaycanın haqq səsini dünyaya çatdırmaq istiqamətində işlərimizi daha gücləndirməkdən ibarətdir. Həmçinin, hədəfimiz multimedia imkanlarından maksimum istifadə etmək, özəl xəbərlərin sayının daha da artırmaqla oxucu kontingentini bir qədər də genişləndirməkdir”.
